Flavio Maspoli è noto ai più per il suo ruolo politico: insieme a Giuliano Bignasca ha fondato la Lega dei Ticinesi, e dal 1990 ha diretto per alcuni anni il Mattino della Domenica. Deputato in Gran Consiglio, consigliere nazionale, è stato un personaggio eclettico: pianista di piano bar, appassionato germanista, autore teatrale e anche poeta dialettale. Sono passati molti anni dalla sua morte, avvenuta nel giugno del 2007, a soli 57 anni. Una delle sue poesie più belle, una “poesia in prosa”, è dedicata al giorno dei morti. La riproponiamo oggi alla vigilia della giornata dedicata ai defunti.

Dì di mort

‘Na sàrasa che sbatt i ramm coi föi sbrofaa da giald in dal lagh gris cotonaa da nebieta. On ciel pesant che vö schisciaa la tera, ol verd d’on pin e lontan, tanto lontan on can che boia. I camp e i giardin di ca, covezzaa i dorm, i spèta la primavera, i dorm, i camp e i giardin covezzaa, i dorm come i mort.

In di cimiteri, covezzaa, come i camp e i giardin di ca incö l’è festa granda.

Ol viola, ol ross, ol giald di crisantem, ol rosa antigh da l’erica e i color da tütt i fior i visiga con la lüs di lumin. E i color da tütt i fior col visigaa dai lümin i möv i regord in dal co di gent che sa möv mogg, mogg, sül viaa da gereta bianca.

I pass, pesant, che schìscia la gèreta bianca, i pass di gent, pesant e stracch i è ol ritmo da la festa in cimiteri ol ritmo di regord, di regord di mort.

On pass dopo l’altro, on pensee che va, on pensee che vegn e pö… on tocch da granit gris. Altri regord, regord cadenzaa di pass di altri gent che schìscia la gereta bianca e i mort che dorm; i dorm par sempar; i mort i torna pü in dre, mai pü. Ann dopo ann, al dì di mort schìsciom la gereta bianca dal viaa dal cimiteri, ann dopo ann legiom al nomm sül tocch da granit gris in mezz al visi­gaa di lümin e di coloor da tütt i fior, ann dopo ann, al dì di mort i regord i tormenta ol co bass di gent che, mogg mogg i capiss mia che i mort i dorm par sempar e ann dopo ann i regord i sa fa meno ciar, ann dopo ann un quai regord brütt al scompariss.

Pian pian, adasi adasi, sa regordom domaa i robb bei. Pian pian, adasi adasi, sa scoprissom intant ca pre­gom e guardom ol tocch da granit gris con sü ol nomm, a rid… Oh mìa dabon, a sorid, domaa sorid e ol ritmo cadenzaa di pass che schìscia la gereta bianca dal vial dal cimiteri, in on boff al par püsee alegro. Ol color da tütt i fior, ol vissigaa di lümin, d’on boff al sa traforma in ona cornis da festa in gir ai tocch da granit con sü i nomm. E i mort?

Lontan, lontan, tanto lontan on can che boia ‘na sàrasa coi föi sbrofaa da giald la sbatt i so ramm in dal lagh gris.

Ol verd d’on pin… Valzi ol co vers ol ciel. L’impression da prima la ghe pü.

Ol ciel, che poch attim fa al vöreva schisciàa la tera al se verdü. Tra i nüvol gris on zicch da soo.

I mort?