di Gilberto Fusi

Sa lè vera quel ch’ò sentüüt e lengiüüt, i diis che in Tisin a ghè ammò quasi 85.000 person cha parla dialètt. Sa lè inscì, mi som ur prim a vèss cuntent cumè na Pàscqua.
Mi som bon da parlà ur mè d’un dialètt (ma som miga bon da scrival )! E stà brancàda da riigg l’ar fa capii. Dì però parchè ma pias ur dialètt, inscì, in süi dü pè, ar sò miga. Cui mé gent, ur mé pà, ra mè mam e i mè fredéi, ò sempru parlaat dialèt. 

Quan che pö ma som scpusaat ò imparaat subit un altro dialètt, quell dra mè dona ( scvizzer-tudesck).
Ghè stai un temp che ò duvud imparà quel chi ciamava dialett dra ferovia, l’eva ur temp dra Domeniga Popolar.

In altri ocasion inveci podeva miga doprà ur mè d’un dialett. I ma diseva da miga di (ra facsia) duveva di la facia, podeva piü dopraa i mè articui in (erre) duveva di ul pa, la mam, guai a dì (a vagh o a fagh) duveva di a vu a fu. Seva un puu mortificaat, ma mà diseva, Gibi, porta pazienza un quai dì tu vedaré che la cambia!

E lè propi staia insci, ò incuntraat ur’Agòsctinet ur pà dar Cabaré che al mà sempru lasaat parlà ur mé da dialett, e al ma fai imparà ancha quel da Bedrètt e quel da Arann. Par un bel puu d’ann con lü go propi tetaat denta, e ma som tiraat sü da moraal. Mè sempru piasüüt scultaa ur parlaa di altri. Miga dumà in dialèt ancha in taglian, tudesck, francees!! Par mi l’éva e lè cumè scultaa müsica.
Mi scperi propi ca siium dabon ammò 85.000 su 350.000 ca sem, a parlaa i noss bei dialèt!!!

Nella foto Gilberto Fusi con Paolo Ferrazzini durante uno spettacolo del Cabaret della Svizzera italiana